By: Jolito Valles Borda | December 11, 2022
Nagdangat sa masobra P500,000 nga balor sang ilegal nga droga ang narekober sa ginpatigayon nga drug buy bust operation sang otoridad sa Barangay Bato, Panay, Capiz.
Mahibaluan nga ginkasa sang Provincial Drug Enforcement Unit (PDEU) sang Capiz PPO kag Station Drug Enforcement Agency (SDET) sang Panay PNP ang operasyon batuk sa suspek nga si Michael Abaracoso 32-anyos sang Barangay 9, Roxas City.
Narekober sa paghinakop sang suspek ang 16 tanan ka sachets ukon 76 gramos sang shabu, P7,000 nga drug buy bust money, slingbag kag mga drug paraphernalia.
Ginapahayag nga si Abaracoso ang Isa High Value Individual angut sa pagduso sang droga.Nagapabilin karon sa kustodiya sang Panay Municipal Police Station ang nadakpan nga si Abaracoso kag natalana inj nga pasakaan sang nagakaigo nga panumbungon.
