By: Roldan Villareal | December 7, 2022
Naglab-ot sa P4,470,000 ang kabug-usan nga balor sang educational assistance ang gintugyan sa mga Gugma Scholars sa Segundo distrito.
Personal nga gintugyan ni Governor Fredenil Castro kag 2nd District Representative Jane Castro ang ayuda sa 178 ka mga iskolar nagikan sa banwa sang Jamindan; 288 sa Dumarao; 135 sa Sapian; kag 293 sa Ivisan.
Sa mensahi ni Governor Castro sa mga iskolar, nagalaum ini nga magbakas ang mga estudyante sa ila pagtuon agud makabulig tibawas sa ila kapigaduhon.
Nangin kaupod man sa nasambit nga aktibidad sanday Vice Governor Jaime Magbanua; 2nd District Board Members Gilbert Ardivilla kag Aldwin Cruz-am.
