By: Roldan Villareal | December 14, 2022
Nakabaton sang bulig nagikan sa gobyerno probinsyal ang mga apektado ang palangitan-an sang red tide sa Barangay Cabugao, Ivisan.
Sa report nagikan sa Capiz Provincial Government Communications Group, 130 ka mga mangingisda kag manug panginhas ang nakabaton sang food packs pinaagi sa gintukod nga Task Force Pagdumdum nga gintukod ni Governor Fredenil Castro.
Naga unod ang food packs sang tig napulo ka kilo nga bugas, tig 5 ka lata sang corned beef, meat loaf, sardinas kag 10 ka putos sang noodles
Nahibaluan nga padayon ang paglibot sang task force agud maka ambit man sang bulig ang iban pa nga pumoluyo nga apektado ang palangitan-an sang red tide. | Photo by CPGCG
