By: Jolito Valles Borda | November 17, 2022
Isa ka organisado nga grupo ang lima ka menor de edad nga nadakpan sa pagpangawat sang motorsiklo sa Barangay Agbalo, Panay, Capiz.
Ini ang ginpahayag ni Police Lieutenant Gary Diaz sang ma-interview sang Radyo Bandera Roxas.
Suno kay Diaz, gintuad sang isa sa mga suspek nga may group chat ang mga ini kag may kaangtanan sa grupo nga ginatawag Tun-og.
Mahibaluan nga duha ka 16-anyos nga residente sang nasambit nga barangay kag 15-anyos sang Brgy. Malag-it, Pontevedra ang naaktuhan nga nagachop-chop sang motorsiklo sa Sitio Pang-pang sang amo nga lugar.
Narekober sa mga ini ang duha ka unit sang Suzuki Smash 115 kag isa dire ang naka-skeleton na nga natumod motorsiklo nga ila ginkawat sa banwa sang Sigma.
Samtang na-aresto naman sang kapulisan ang duha ka menor de edad sa Barangay Rizal, Pontevedra nga ginapahayag kaupdanan sang tatlo nga una na nadakpan kag narekober sa mga ini ang isa pa ka unit sang Suzuki Smash 115 nga ginkawat sang tinalikdan nga Nobyembre 9 sa Brgy. Lus-onan, Panay.
Dugang pa ni Diaz may duha pa ka mga kaupdanan ang lima ka menor de edad nga nakapalagyo kag ini sa karon ang ila gina-ayam agud matumod ang tawo sa likod sang grupo nga Tun-og nga posibli may kaangtanan sa pila ka insidente sang kinawatay sa probinsya.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini ang gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼
