By: Roldan Villareal | November 27, 2022
Positibo ang resulta sang drug test sang apat ka mga suspetsado nga nadakpan sa ginkasa nga drug buy-bust operation sang mga katapo sang gintingob nga puwersa sang Philippine Drug Enforcement Agency (PDEA) Capiz kag Aklan sa isa ka lodging house sa Barangay 4, Roxas City.
Suno kay PDEA Capiz Provincial Officer Gelly Robins Cataluña, positibo sa pag-usar sang ilegal nga droga ang mga nadakpan nga sanday Jocelyn Cristobal Apaap alyas “Inday”, residente sang Brgy. Tanque, Roxas City; Ephrin Bona Abanila alyas “Lotlot”, resident sang Brgy. Tanque; John Paul Vega Dullano alyas “Anne”, residente sang Brgy. Tiza; kag Rey Balasurca Bosico, residente sang Brgy. Bonga, Panay, Capiz.
Matandaan nga nagdangat sa 12 ka sachets sang shabu nga nagabalor sang P75,000 ang nakuha sa paghinakop ni Apaap, ang mayor nga target sang operasyon. Natabuan naman nga yara sa nasambit nga drug den ang iban nga nagkaladakpan.
Sa karun napasaka na ang panumbungon nga paglapas sa Republic Act 9165 ukon Comprehensive Dangerous Drugs Act of 2002 batuk sa mga arestado.
Padayon naman nga nakahunong ang mga ini sa karsel sang PDEA sa syudad sang Iloilo.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini ang gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
