By: Jolito Valles Borda | December 5, 2022
Ginklaro sang Office of the Provincial Veterenarian (OPVET) Capiz nga wala sang human transmission sang Influenza A virus subtype H5N1 kasunod sang nabalhag nga bird flu Barangay Cagay, Roxas City.
Ini ang ginapahayag ni Dr. Leonel Abordo sang ma-interview sang Radyo Bandera Roxas.
Suno kay Abordo, gilayon sang mga ini ginpaidalum sa pag-quarantine ang bantay sang poultry farm sa diin may positibo sang bird flu.
Ginapahayag nga malayo sa panimalay ang nasambit nga farm kag wala sang sintomas sang H5N1 nga nabatyagan ang bantay mangin ang tag-iya sang poultry.
Dugang pa ni Abordo, nag-coordinate na ang mga ini sa pamunuan sang barangay agud gilayon nga mamonitor ang kondisyon sang bantay kag malapit nga pumoluyo sa lugar.
