By: Roldan Villareal | December 19, 2022
Nabaton na sang 153 ka mga benepisyaryo sang Livelihood Assistance Grant (LAG) sang Department of Social Welfare and Development (DSWD) ang P15,000 nga dugang nga kapital sa ila tagsa ka negosyo.
13 sa mga benepisyaryo ang nagikan sa banwa sang Dumalag, Dumarao – 2, Ivisan – 30, Maayon – 5, Mambusao – 28, Panay – 28, Panit-an – 12, Pilar – 7 kag 28 naman ang nagikan sa Tapaz.
Nagalab-ot sa P2.1 milyon ang kabug-usan nga pundo nga gintugyan sang DSWD sa mga benepisyaryo pinaagi sa gobyerno probinsyal sa pagpanguna ni Governor Fredenil Castro.
Nahibaluan nga ini na ang pangaduha nga hugna sang pagpanghatag sang bulig pinansyal sa idalum sang administrasyon ni Castro pinaagi sa DSWD para sa pumoluyo nga apektado ang palangitan-an subong nga pandemiya. | via CPGCG
