By: Roldan Villareal | January 4, 2023
Naglab-ot sa P25,288,100 ang kabug-usan nga balor sang ayuda ang nahatag sa mga Capisnon nga nagdangop sa talatapan ni Governor Fredenil Castro.
Basi sa datos nagikan sa Capiz Provincial Government Communications Group, sumugod sa pagpungko ni Castro sang Hulyo 1 tubtob Disyembre 31, 2022, naglab-ot sa 6,498 ka Capisnon ang nabuligan sang financial assistance program para sa Burial, Medicine kag Cash Assistance.
Wala pa malakip sa datos ang mga nabuligan sa balayran sa ospital.
Nahibaluan nga isa sa mga prayoridad ni Castro ang paghatag sang gilayon nga bulig sa pumoluyo nga nagadangop sa iya talatapan bangud nahibaluan sini suno sa iya ang kabudlay kag kasubo nga ginabatyag sang mga nagapangayo sang bulig.
Lauman naman nga ilabi pa pasanyugon ang ini nga programa sini nga 2023.
