By: Jolito Valles Borda | December 4, 2022
Gin-athag ni Police Colonel Jerome Afuyog Jr. nga wala sang kaangatan sa Sinadya 2022 ang natabo nga pagpamahug sang ginaalegar bomba sa Roxas City Integrated Terminal sa Pueblo de Panay, Barangay Lawaan, Roxas City.
Suno sa provincial director sang Capiz Police Provincial Office, posibli nga may kaangatan sa kompaniya sang ceres ang natabo nga pagpamahug matapos sa mismo unit sang bus sang kompaniya narekober ang ginaalegar bomba.
Dugang pa ni Afuyog nga kun tuyo sang suspek nga magtuga sang kakugmat sa publiko wala na sini ginbilin sa bus kag gin-diritso na lamang butang sa palibot sang terminal.
Bangud dire, hugot nga ginmandu ni Afuyog sa kapulisan ang hugot nga pagbantay sa terminal kag dugang nga police visibility sa lugar.
