By: Roldan Villareal | December 8, 2022
Ginkilala bilang “Beyond Compliant” ang gobyerno probinsyal sang Capiz sa 22nd Gawad KALASAG Seal for Local Disaster Risk Reduction and Management Council and Office (LDRRMCO) Category.
Nagapatimaan ini nga nalampuwasan sang probinsya ang standards sa establishment kag functionality sang LDRRMCOs nga nasaad sa Philippine Disaster Risk Reduction Management Act of 2010 ukon Republic Act 10121.
Magluwas sini, finalist naman ang Capiz Emergency Response Team (CERT) sa National Gawad KALASAG Special Awards for Best Government Emergency Management Systems and Response Team (GEMS) Category.
Kadungan sini, nagpalab-ot sang pagpasalamat ang PDRRMO Capiz kag CERT sa mga nagabug-os sa Capiz PDRRM Council, partner agencies and responding units, mga miyembro sang CERT sadto kag subong, kag sa mga Capiznon nga nagsuporta, nagkooperar kag nagpati sa ikasangkol sang sini nga organisasyon.
