By: Jolito Valles Borda | December 16, 2022
Opisyal na nga ginbuksan sa publiko ang Paskwa sa Panitan kag Christmas Village sa nasambit nga banwa.
Ginpangunahan ni Muncipal Mayor Katherine ‘Kit’ Dequiña-Belo ang nasambit nga kahiwatan kaupod ang konseho sang lokal nga gobyerno sang Panitan.
Suno kay Belo, mangin tuigan na nga selebrasyon ang Paskwa sa Panitan apisar nga indi na ini ang alkalde sang banwa.
Nag-ani sang positibo nga reaksyon sa pumoluyo ang pagpahamtang sa christmas village kag indi na ang mga ini magpadulong pa sa iban nga banwa para lang maglagaw.
Ginpalab-ot man sang Alkalde ang pagpasalamat sa mga tawo nga yara sa likod sang paskwa sa Panitan nga naghatag sang pinasahi nga konsepto.
Gina-agda man ni Belo ang publiko kag kaiping nga kabanwahan nga saksihan ang ila bag-o sa panan-awan nga christmas village.
