By: Roldan Villareal | December 6, 2022
Napasaka na sa Provincial Prosecutors Office ang patong-patong nga panumbungon batuk sa mga nadakpan nga scammers sang tinalikdan nga adlaw sang Biyernes, Disyembre 2, 2022 sa Barangay Poblacion, President Roxas.
Kaso nga large scale swindling (estafa), pag operate nga wala sang nagakaigo nga rehistrasyon nagikan sa Bureau of Internal Revenue, kag paglapas sa Bayanihan Law ukon pagpanunto sa tiun sang pandemiya ang ginpasaka sa mga arestado nga sanday Cherrie Cartujano sang Barangay Balijuagan, Roxas City; Clarisa Dela Cruz sang Barangay San Juan, Cainta, Rizal; Neil Doqueza sang Zone 2, Santo Niño Norte, Iloilo City; Jenelyn Sayson sang Poblacion Sur, Balasan, Iloilo; kag Ludy Dolor sang Burgos Street, Roxas City.
Matandaan nga nadakpan ang mga ini sa entrapment operation sang NBI angut sa double your money investment scheme nga gina operate sang grupo ni Cartujano.
Sa karun ginalalip man sang mga otoridad ang iban pa nga grupo nga padayon naga operate sang investment scams agud matapna na ang ilegal sini nga operasyon.
