By: Jolito Valles Borda | January 6, 2023
Nadakpan sang kapulisan ang pedicab driver nga nag-transport sang tahong sa Barangay Poblacion Norte, Ivisan, Capiz.
Apisar nga ginadumilian ang pag-transport kag pag-harvest bangud sa pamahog sang red tide, nakuha pa sang 72-anyos nga pedicab driver nga magpalusot sang anum (6) ka sako sang tahong nga hana na sini i-karga sa ceres bus nga padulong sa Iloilo.
Ginapahayag nga naglapas sa EO No. 23 Series of 2022 ang pedicab driver, partikular ang pagdumili sa pag-harvest kag pag-transport sang pakinhason kag ini mahimo nga mapasakaan sang nagakaigo nga panumbungon.
Yara karon sa paghinakop sang Ivisan PNP ang nadakpan kag igatun-over naman sa bahin sang Municipal Agriculture Office (MAO) ang nakumpiskar nga tahong.
