By: Roldan Villareal | January 4, 2023
Liwat nga ginbaha ang pila ka barangay sa probinsya sang Capiz bangud sa pagbubo sang ulan dala sang Low Pressure Area (LPA).
Sa datos nga natipon sang 100.9 Radyo Bandera Roxas, kalakip sa mga banwa nga may ginbaha nga barangay kag porsyon sang dalanon ang Tapaz, Dumalag, Mambusao, Sigma, kag Dao.
Samtang amat-amat naman ang pagsaka sang lebel sang tubig sa Cuartero, Panitan, kag Pontevedra.
Magluwas sini, nag dekalrar man sang suspensyon sang klase ang lokal nga gobyerno sang Maayon, Panitan, Panay, Tapaz, kag Dao.
Naka alerto na sa karun ang tagsa ka Disaster Risk Reduction and Management Offices (MDRRMO) sa pag respondi sa tiun nga kinahanglanon.
