By: Jolito Valles Borda | December 14, 2022
Nangin liyabe ang kooperasyon sang pumoluyo kag kuha sang CCTV sa pagtumod sang mga suspek sa pagpangluthang kag holdap sa Barangay Lawaan, Roxas City sang damlag lang.
Ini ang ginpahayag ni Police Lieutenant Colonel Aron Palomo, hepe sang Roxas City PNP sa ginpatawag nga pulong-balitaan sa Capiz PPO.
Suno kay Palomo, dako nga bulig ang ginpahayag sang pila ka mga nakasaksi sa natabo kag ang natsekyar nga mga footages sa mga commercial establishement kag barangay.
Dugang pa ni Palomo nga nagasanto ang ginbuhi nga statement sang mga witnesses lakip na ang ginpahayag sang mga biktima.
Bangud dire, natumod ang suspek nga si William Deocampo kag nadakpan sa ginpatigayon nga hot pursuit operation.
