By: Roldan Villareal | December 11, 2022
Target nga mahuman sa masunod nga tuig ang building sang Roxas Memorial Provincial Hospital (RMPH) sa Barangay Lanot, Roxas City.
Personal nga ginbisita ni Governor Fredenil Castro ang padayon nga pag-ubra sa nasambit nga edipisyo agud masiguro nga madasig kag nagasanto ang dalagan sang konstruksyon.
Suno sa gobernador, kinahanglan na mahuman ang nasambit nga edipisyo agud magamit sa pag serbisyo sa ikaayong lawas sang mga Capiznon.
Nahibaluan nga tatlo na ka gobernador ang nag-agi kag dekada na ang kadugayon sang nasambit nga proyekto, apang wala sa gihapon mahuman.
