By: Roldan Villareal | December 19, 2022
Nakabaton sang cash gift ang mga senior citizens nga naga edad sang 85 pataas sa banwa sang Jamindan.
Personal nga gintugyan ni Mayor Mac Arthur Valdemar pinaagi sa Senior Citizens Affairs Office ang cash gift sa mga benepisyaryo sa idalum sang Jamindan Shining Ages Ordinance.
Nahibaluan nga sa idalum sang nasambit nga ordinansa makabaton sang P3,000 ang mga naga edad 85 tubtob 89; P5,000 sa edad 90-99; kag P10,000 sa naga edad 100- pataas.
Pinaagi sini suno kay Mayor Valdemar, maga serbi nga modelo ang katigulangan sa mga pamatan-on kun paano sang mga ini ginatatap ang ila ikaayong lawas agud makalab-ot sa nasambit nga edad. | via Jamindan LGU
