By: Jolito Valles Borda | December 9, 2022
Gin-activate na ang Fire Sub-Station sang Bureau of Fire Protection (BFP)- President Roxas sa Barangay Goce sang nasambit nga banwa.
Ini ang ginkumpirmar ni Superintendent Jenny Mae Masip sang ma-interview sang Radyo Bandera Roxas.
Natigayon ang nasambit nga proyekto sa bulig sang barangay official kag sang local nga gobyerno sang President Roxas.
Mahibaluan nga malayo sa banwa ang amo nga barangay kag ginkalipay gid sang mga residente ang pagpahamtang sang fire sub-station nga gilayon na ang mga ini maka respondi sa tion sang emerhensya.
Magluwas sa Brgy. Goce, maga-serbi kag maga-respondi man sa mga kaiping nga kabarangayan ang nasambit nga fire substation.
