By: Jolito Valles Borda | January 4, 2023
Pormal na nga ginpasakaan sang panumbungon ang 18-anyos nga lalaki nga nadakpan sa pagpangawat sang motorsiklo kag nakuhaan sang armas-luthang sa Barangay Intongcan, Pontevedra, Capiz.
Kaso nga paglapas sa Republic Act 10883 ukon “New Anti-Carnapping Act of 2016” kag paglapas Republic Act 10591 ukon Comprehensive Firearms and Ammunition Regulation Act ang ginapangatubang ni John Dave Buenavides.
Mahibaluan nga gina-angot ang pangalan ni Buenavides sa pila ka insidente sang pagpangawat sang motorsiklo sa segudo distrito kag kaupod sini ang mga menor de edad nga miyembro sang Tun-og boys.
