By: Jolito Valles Borda | December 12, 2022
Ginapasungka sang iya kaugalingon nga iloy ang suspek sa pagluthang-patay sa electrician sa Barangay Milibili, Roxas City sang damlag lang.
Nagahilibion si Nanay Edna Alloc samtang nagapangabay sa bata sini nga magsungka na sa otoridad kag atubangon ang nahimo sini nga krimen.
Suno kay Edna, isa ka mabuot nga bata si Steven Alloc kag nahimo lamang sini ang krimen matapos nga ini ang gin-unahan sang suspek sa pagtapungol.
Dugang pa sang ginang, wala ini sang ihibalo kun sa diin nagpanago ang iya bata nga katapusan sini nga naka-istorya sa mismo gabi nga nagpauli sang makumiter ang krimen.
Wala naman sang nahibaluan si Edna nga may nagpatunga nga kinagamo sa suspek kag biktima antis natabo ang insidente.
