By: Jolito Valles Borda | December 13, 2022
Naulamid na sa pila ka krimen ang nadakpan nga suspetsado sa pagpang-holdap sa Barangay Lawaan, Roxas City kahapon nga adlaw.
Ini ang ginkumpirmar ni Provincial Director Police Colonel Jerome Afuyog Jr. sa ginpatawag nga pulong-balitaan sa Capiz Police Provincial Office.
Suno kay Afuyog, naulamid sa kaso nga Murder kag pagbayolar sa republic act 10591 ang suspek nga si William Deocampo sa Passi City, Iloilo apang ini ang gin-settle.
Samtang, ginhusay man ang kaso sini nga ‘reckless imprudence’ sa President Roxas kag padayon naman ginadungog sa korte ang kaso sini nga robbery nga nakumiter sa banwa sang Pontevedra.
Ginpreparar na sa karon sang kapulisan ang mga dokumento kag pila ka affidavit sang witness agud mapasaka ang panumbungon batuk kay Deocampo.
