By: Roldan Villareal | December 14, 2022
Nabaton na sang 403 ka mga benepisyaryo sang Tulong Panghanapbuhay sa Ating Disadvantaged/Displaced Workers ukon TUPAD sang Department of Labor and Employment (DOLE) sa banwa sang Maayon.
P4,500 ang nabaton nga sweldo sang tagsa ka benepisyaryo sa napulo ka adlaw nga pagtrabaho sa idalum sang TUPAD Program.
Ang nasambit nga distribusyon ang personal nga gintambungan ni Governor Fredenil Castro. Ginpasalig sini sa pumoluyo nga lauman nga magapadayon pa ang nasambit nga programa sang probinsya pinaagi sa DOLE kag iban pa nga ahensiya sang gobyerno agud makabulig sa mga ini subong nga tiun sang krisis kag pandemiya.
Lubos naman ang pagpasalamat sang mga benepisyaryo sa amo nga programa sang gobyerno.
