By: Jolito Valles Borda | January 6, 2023
Nadakpan sang kapulisan ang ginakabig nga top 2 most wanted person sa Barangay Poblacion, Sigma, Capiz.
Ginkilala ang nadakpan nga si Antonio Villan Jr. 44-anyos kag residente sang Barangay Mangoso sang nasambit nga banwa.
Nagapangatubang sa kaso nga homicide ang akusado nga gin-isyu ni Judge Rommel Leonor sang RTC, 6th Judicial Region, Branch 21, Mambusao kag ginpetsahan January 5, 2023.
Nagdangat naman sa P20,000 ang ginrekomendar nga piyansa sang korte para sa temporaryo nga kahilwayan ni Villan.
