By: Ej Arboleda | November 28, 2022
Pilason ang tatlo ka persona kalakip ang nagabusong nga ginang sa pagbungguanay sang tricycle kag Isuzu Sportivo nga salakyan sa Barangay Malag-it, Pontevedra, Capiz.
Ginkilala ang mga nagkalapilasan nga sakay sang tricycle nga sanday Sadam Sien Amutan 41 anyos, driver sang tricycle, ang iya utod nga si Lory Joy Amutan, 28 anyos lunsay nga residente sang Barangay Rizal, sang nasambit nga banwa kag Anjie Farinas 42 anyos nga residente sang Barangay Camburan, Tapaz, Capiz.
Nakilala naman ang driver sang nakabungguan nga salakyan nga si Antonio Dorado kag residente sang Barangay Linampongan, Pontevedra, Capiz.
Sandig sa inisyal nga imbestigasyon sang kapulisan, padulong kuntani sa banwa sang Pontevedra si Dorado gikan sa Barangay Malag-it sang nag-overtake ini sa iya ginasundan nga motorsiklo.
Apang iya nasugata ang tricycle nga ginamaneho ni Amutan, rason nga iya ini nga nabungguan.
Bangud sa pagkabunggo, tumampilak sa karsada ang mga pasahero sang tricycle nga nag-angkon sang kapilsan sa magkatuhay nga parte sang kalawasan.
Madasig naman gindapatan sang pagbulong ang mga napilasan antes gindala sa Bailan District Hospital.
Nagapabilin sa karon sa kustodiya sang Pontevedra Municipal Police Station si Dorado para sa nagakaigo nga disposisyon.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
