UPDATE | “AMAT-AMAT NA KAMO [MGA SUSPEK] PANGHIMOS KAY MADAKPAN TA GID KAMO” – NEGOSYANTE NGA GINATRABAHUAN SANG PUMPBOY KAG CASHIER KAG GINHOLDAP KAG GINLUTHANG

By: Joshua Kenneth Anas | December 12, 2022

Nagapati ang negosyante nga tag-iya sang gasoline station nga gintrabahuan sang pumpboy kag cashier nga ginholdap kag ginluthang sa Barangay Lawaan, Roxas City nga sa bulig sang mga kapulisan, matumod kag mapasabat gid sa laye ang mga yara sa likod sang nadangatan sang iya mga trabahante.

Sa interview sang Radyo Bandera kay Roberto Alcazaren, ginpahayag sini nga mangin siya ang nakibot sa natabo sang gintundaan ini sang mismo biktima nga pumpboy nga si Jovel Alparaque sa natabo sa ila sang iya kaupod nga cashier nga si Rodora Dorado Vinson.

Suno sa negosyante nga indi siya halos makapati sa natabo bangud wala man sang ‘regular’ nga schedule ang pag-‘transport’ sang kwarta sang iya tinawo bangud may mga higayon nga hapon man sila nagabiyahe.

Ginatugyan na lamang ni Alcazaren sa otoridad ang pag-imbestigar sa natabo para mapasabat ang dapat nga manabat.

Nagpanugyan man ini sa mga may kahimuan sa krimen nga magpanago na bangud siya ang nakapat-od nga makilala kag madakpan gid ang mga ini sa tama nga panahon.

Pahayag ni Alcazaren, madugay na niya nga trabahante ang duha rason nga sila man ang iya salaligan pag-abot sa kwarta.

Wala naman ginkompirmar ni Alcazaren kun iga-deposit sang duha ka biktima ang kwarta nga ila bitbit sang natabo ang insidente kag wala man sini ginhatag ang pat-od ang kantidad sang ila dala.