By: Jolito Valles Borda | January 6, 2023
Ginpakamaayo sang Provincial Agriculturist nga kuhaan sang shellfish meat sample ang mga nakumpiskar nga tahong sa banwa sang Ivisan kaina sang aga.
Ini agud mapaidalum sa laboratory examination para mahibauan kun may yara ukon wala sang presensya sang organismo nga Pyrodinium Bahamense ang nasambit nga tahong.
Mahibaluan nga ang nakumpiskar nga tahong ang buot tani nga iga-deliver sa Iloilo apang ini ang nadakpan sang kapulisan nga naga-ronda sa lugar.
Ginapahayag nga halin sa negosyante nga si alyas Bebeng sang Barangay Basiao ang anum (6) ka sako sang tahong nga nakumpiskar sa isa ka pedicab driver.
Yara na sa paghinakop sang Municipal Agriculturist Office (MAO) sang Ivisan ang nakumpiskar nga tahong.
