By: Roldan Villareal | December 14, 2022
Ginserbihan sang warrant of arrest sang kapulisan ang 56 anyos nga persona sa Barangay Poblacion, Dumalag nga wanted sa kaso nga attempted murder.
Nakahunong na sa karsel sang Dumalag Municipal Police Station ang akusado nga ginkilala kay Pablo Flaga Melchor, residente sang nasambit nga lugar.
Ang warrant of arrest batuk kay Melchor ang ginpapanaog ni Judge Rocille Aquino Tambasacan, Presiding Judge sang 4th Judicial Region, Branch 21, Imus, Cavite nga napetsahan sang Hulyo 2021.
P120,000 ang ginrekomendar nga piyansa sang korte para sa temporaryo nga kahilwayan sang akusado.
