By: Roldan Villareal | December 19, 2022
Nakahunong na sa karsel ang 30 anyos nga mangunguma matapos ginserbihan sang warrant of arrest sa Barangay Cabugcabug, President Roxas.
Ginkilala ang nadakpan kay Jason Labrador Navarra, residente sang Sitio Matnog, Barangay Cabugcabug, President Roxas.
Wanted sa kaso nga Frustrated Homicide si Navarra. Nagalab-ot naman sa P72,000 ang piyansa nga ginrekomendar sang korte para sa temporaryo nga kahilwayan sang arestado.
Sa karun nakahunong na sa karsel sang President Roxas PNP si Navarra.
