By: Roldan Villareal | December 5, 2022
Wala na makapalagyo sa mga otoridad ang ginakabig number one most wanted person sa banwa sang Maayon matapos ginserbihan sang warrant of arrest sa kaso nga pagpanghimulos kag pagpangmulistya sa Barangay Guinbi-alan, Maayon alas 5:30 ang takna kaina sang aga.
Ginkilala ang arestado kay Kent Regin Dichosa alyas Kitong, isa ka drug surrenderee kag residente sang nasambit nga barangay.
Ginserbi sang Maayon Municipal Police Station ang warrants of arrest nga gin isyu ni Judge Faustino Roxas, Jr. sang Regional Trial Court, Branch 14 sa syudad sang Roxas batuk kay Dichosa sa kaso nga rape kag paglapas sa anti-child abuse law.
Wala sang piyansa nga ginrekomendar ang korte para sa temporaryo nga kahilwayan sang akusado.
