By: Jolito Valles Borda | January 6, 2023
Arestado ang 36-anyos nga lalaki matapos nga ginserbihan sang warrant of arrest sa Barangay Cogon, Panitan, Capiz.
Ginkilala ang naaresto nga si Jonel Baylon kag residente sang Barangay Batiano banwa sang Mambusao.
Kaso nga rape ang ginapangatubang ni Baylon nga gin-isyu ni Judge Judith Orendain Tonogbanua ginpetsahan sang Nobyembre 21, 2021 kag wala sang ginrekomendar nga piyansa ang korte.
Sa karon nakahunong na sa karsel sang Mambusao Municipal Police Station ang akusado nga si Baylon.
