By: Ej Arboleda | December 15, 2022
Patay ang isa sa walo ka mga kabataan nga nag positibo sa human immunodeficiency virus (HIV) sa Western Visayas base sa datos sang Regional Epidemiology and Surveillance Unit (RESU) sang Department of Health (DOH) Region 6.
Suno kay nurse Errol Dayot sang DOH-6’s Environmental and Occupational Health and Emergency Operation Center Section nga ang walo ka mga kabataan ang naga-edad sang 15 anyos panubo kag kalakip sa 6,197 nga may kaso sang HIV sa rehiyon.
Nahibaluan nga 95% ukon 5,894 sa may kaso nga HIV sa Western Visayas amo ang lalaki samtang 5% ukon 302 naman ang babayi kalakip na ang 20 ka bilog nga nagabusong.
Sa karon padayon ang pagbulong sa mga kabataan nga nagpostibo sa virus.
