By: Joshua Kenneth Anas | December 19, 2022
Pabilin nga nakaalerto ang Police Regional Office 6 (PRO-6) para sa siyam ka adlaw nga Misa Dulom nga nagsugod sadtong Disyembre 16, 2022.
Suno kay PRO-6 Director Police Brigadier General Leo M. Francisco, nagmandu na ini sa tanan nga unit commanders nga pasangkaron ang police visibility kag patrol operations para masiguro ang seguridad sang mga nagapadulong sa magkatuhay nga mga simbahan.
Mahibaluan nga masobra 2,000 ka mga police personnel ang gin-deploy sa bug-os nga rehiyon sa mga simbahan, merkado, terminal, kag iban pa nga strategic areas.
