By: Ej Arboleda | January 6, 2023
Narekuber sang kapulisan ang P748,000 nga balor sang ginasuspetsahan nga shabu sa ginkasa nga drug buy-bust operation sa Barangay Sto. Niño Sur, distrito sang Arevalo sa Iloilo.
Nakilala ang mga suspetsado nga sanday Eddie Sevillo, 39 anyos, nga residente sang Ana Ros Village, Barangay Guzman-Jesena, Mandurriao kag Richelle Germo, 38 anyos, sang VML Subdivision, Barangay North Fundidor, Molo.
Narekober sa mga ini ang 21 tanan ka sachets ukon 110 gramos sang ginapatihan shabu, kag buybust money nga P18,000.
Sa karon nakahunong na sa karsel sang Arevalo PNP sanday Sevillo kag Germo, kag magapangatubang sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
