By: Joshua Kenneth Anas | December 19, 2022
Nagapabilin sa ‘red alert status’ ang hanay sang Bureau of Fire Protection sa Western Visayas sa bug-os nga Paskwa kag Bag-ong Tuig kag gin-activate sang hanay ang ‘Oplan Palupok’.
Suno kay BFP-6 director Fire Chief Superintendent Jerry Candido, nakahanda ang ila nga kagamitan sa pagresponde sa tion sang emerhensiya.
May supisyente man nga BFP personnel nga maga-duty partikular na sa Christmas’ kag New Year’s eve.
Sa bug-os nga rehiyon suno kay Candido, may kabug-usan nga 382 ka mga retailers, 6 ka manufacturers kag isa ka distributor sang firecrackers ukon palupok.
