By: Ej Arboleda | December 13, 2022
Patay na sang nasapwan ang isa ka 16 anyos nga senior high school nga nagalutaw sa suba sa Barangay Cabahug, Cadiz City, Negros Occidental.
Ginkilala ang biktima nga si April Bacato, isa ka grade 11 student kag residente sang nasambit nga syudad.
Suno kay Police Lieutenant Colonel Gil John Despi, hepe sang Cadiz City nga nag-angkon sang 11 ka buno sa magkatuhay nga parte sang lawas kag gina-alegar nga ginhimuslan pa ang biktima.
Sa follow-up operation sang kapulisan madasig naman nga nadakpan ang suspetsado nga wala pa ginhingadlan.
Sa karon nakahunong na sa karsel sang Cadiz PNP ang suspetsado kag padayon naman imbestigasyon sang otoridad sa nagluntad nga insidente.
