By: Abe Ballos | December 13,2022
2,771 ka kapulisan sa bug-os nga Western Visayas ang iga-deploy may kaangtanan sa pormal nga pagsugod sang Simbang Gabo sa Disyembre 16,adlaw sang Biyernes.
Ini ang guinpahayag ni PRO6 Spokesperson PMAJ Mary Grace Borio sa diin guindugang sini nga preparado na ang mga kapulisan sa kabug-osan sang Western Visayas sa pag-obserbar sang nasambit nga hilikuton.
Sa kabug-osan nga 2,771 nahibaluan nga 120 ka kapulisan ang iga-deploy sa Iloilo City, 553 ka pulis sa Iloilo province, 650 sa Aklan, 216 sa Antique, 384 sa Bacolod, 308 sa Capiz, 64 sa Guimaras ,kag Negros Occidental nga may 476 ka mga kapulisan.
Suno pa kay Maj. Borio nga magapahamtang sila sang Police Assistance Desk malapit sa mga simbahan kag may ara man sang maga-roving nga mga mobile patrol.
