By: Ej Arboleda | December 7, 2022
Patay ang 37 anyos nga lalaki matapos ginhampangan ukon nag “Russian roulette” sang .38 revolver nga armas luthang sa Barangay Poblacion, Cauayan, Negros Occidental.
Ginkilala ang napatay nga si Jeemo Redimo nga residente sang nasambit nga lugar.
Suno sa nakasaksi, naga-inom sang makalahulobog nga ilimnon si Redimo kaupod ang iya abyan nga si Benjie Chavez sang ginkuha ni Redimo ang armas luthang ni Chavez.
Dugang pa sini nga gintutok mismo ni Redimo sa iya ulo ang armas luthang kag ginpitik ang gatilyo rason sang iya kamatayon.
Suno sa otoridad nga tuyo pa kuntani taguon ni Chavez ang nasambitan nga armas luthang apang sa pag-abot sang kapulisan ginturn-over niya ini sa otoridad.
Sa karon yara na sa kustodiya sang Cauayan Municipal Police Station si Chavez para kag magapaidalom sa paraffin examination.
