By: Ej Arboleda | December 14, 2022
Naglab-ot sa 815 ka bilog nga sinkholes ang nabalhag sa kilala nga world-famous Boracay Island sa Malay, Aklan subong nga tuig sang 2022.
Suno sa Mines and Geosciences Bureau of the Department of Environment and Natural Resources (MGB-DENR) nga malikaw ang peligro sa pag-collapse sang establisyemento kun mangin isa lang ka panalgan ang edipisyo sa Isla sang Boracay.
Sandig sa datos sang Karst Subsidence Hazard Mapping nga may yara 789 ka sinkholes ang nabalhag sang tuig 2018; 801 sang tuig 2019; 814 naman sadtong 2020, kag nagdangat sa 815 sumugod ang tuig 2021 tubtob 2022.
Mahibaluan nga ang Barangay Manoc-manoc ang may pinakamadamo nga nabalhag nga sinkholes. Padayon naman sa karon ang pag monitor sang MGB Region 6’s Geosciences Division sa mga nasambitan nga sinkholes.
