By: Ej Arboleda | December 11, 2022
Ginkumpirmar ni Govenor Arthur Defensor Jr. nga nagpositibo naman sa African Swine Fever (ASF) ang Barangay Cabilauan, banwa sang Barotac Nuevo, Iloilo.
Samtang ginpaidalom naman sa “red zone” ang banwa sang Mina bangud sa transmisyon sang kaso sang ASF.
Nahibaluan nga may yara na sang walo ka mga kabanwahan sa probinsya sang Iloilo ang nagdeklarar sang “red zone,” kalakip diri ang banwa sang Oton, San Miguel, Alimodian, Leganes, New Lucena, Santa Barbara, Mina kag Barotac Nuevo.
Sa karon ginapatuman ang hugot nga pagbantay sa mga boarders agud malikawan ang pagsulod kag pagpaguha sang mga pork products nga posible kontaminado sang ASF.
