By: Ej Arboleda | December 15, 2022
Nagsaka sa 11.7% ang food inflation sa probinsya sang Guimaras sang tinalikdan nga bulan sang Nobyembre gikan sa 10.5% nga nabalhag sadtong bulan sang Oktubre.
Suno sa Philippine Statistics Authority (PSA), nga halos tanan nga food products ang nagtaas kalakip na diri ang mga utanon kag prutas nga nagsaka 45.3%; gatas kag itlog nga may 21.4%; samtang ang kalamay nagtaas naman sa 46.3% kag ang mantika nga 21.9%.
Mahibaluan nga ang food inflation sa nasambitan nga probinsya ang nagsaka pa sa 9.1% sadtong Nobyembre 2022 gikan sa 2.6% sadtong tinalikdan nga Nobyembre 2021.
