By: Ej Arboleda | December 6, 2022
Nakumpiskar sang mga kapulisan ang kapin 300 ka mga tanom sang ginasuspetsahan nga marijuana nga naga balor P1.4 milyon sa Barangay 2 Poblacion, Hinoba-an, Negros Occidental.
Ginkilala ang nadakpan nga suspetsado nga si Bryden Desierto, 30 anyos, nga residente sang nasambit nga lugar.
Suno kay Police Captain Ramel Bustamante, chief sang Hinoba-an police station, nga pila na ka-bulan gina-monitor sang kapulisan si Desierto.
Nagapabilin karon sa kustodiya sang Hinoba-an PNP si Desierto kag magapangatubang sang panumbungon nga paglapas sa Section 16, sang Republic Act 9165, ukon the Comprehensive Dangerous Drugs Act of 2002.
