By: Ej Arboleda | December 15, 2022
Narekuber sang kapulisan ang kapin P170,000 nga balor sang gina-alegar nga shabu sa ginkasa nga drug buybust operation sa tatlo ka mag-utod sa Barangay Guinhalaran, Silay City, Negros Occidental.
Ginkilala ang mga suspetsado nga sanday Angelito Catanghal, 56 anyos, Jerry Catanghal, 41 anyos kag Edsel Catanghal, 58 anyos, lunsay nga residente sang nasambit nga lugar.
Sa karun nakahunong na sa karsel sang Silay City Police Station ang mga suspetsado kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
