By: Joshua Kenneth Anas | November 10, 2022
Pila ka local government units (LGUs) sa Western Visayas ang ginkilala sa Gawad KALASAG Search for Excellence in Disaster Risk Reduction and Management and Humanitarian Assistance.
Mahibaluan nga ang mga probinsiya sang Antique, Capiz kag Guimaras ang ginkilala nga “Beyond Compliant” awardees para sa Local Disaster Risk Reduction and Management (DRRM) Councils and Offices category.
Kalakip man sa ginkilala bilang “Beyond Compliant” LGUs ang highly urbanized cities sang Iloilo kag Bacolod; mga banwa sang Dumalag kag Panit-an sa Capiz; Bago City kag Sipalay City sa Negros Occidental; kag banwa sang Malay sa Aklan.
Samtang, ginkilala naman bilang “Fully Compliant” ang mga probinsiya sang Aklan, Iloilo kag Negros Occidental.
Ang iban pa nga “Fully Compliant” awardees ang ginalakipan sang Passi City kag mga banwa sang Bingawan, Calinog, Dingle, Lambunao, Leon, Maasin, Mina, Pavia, kag Tubungan sa Iloilo; Sibunag sa Guimaras; siyudad sang Silay, San Carlos, La Carlota, Talisay, kag Himamaylan kag mga banwa sang Isabela kag EB Magalona sa Negros Occidental; mga banwa sang Dumarao, Jamindan, Maayon, kag Tapaz sa Capiz; mga banwa sang Barbaza, Culasi, San Jose de Buenavista, kag Valderrama sa Antique; kag Altavas, Kalibo, New Washington, kag Numancia sa Aklan.
Mahibaluan nga ang nasambit nga pagkilala ang ginhatag sang National Disaster Risk Reduction and Management Council (NDRRMC) pinaagi sa National Gawad KALASAG Committee.
Ang KALASAG ang nagatindog nga tinaga para sa KAlamidad at Sakuna LAbanan, SAriling Galing ang Kaligtasan.
Find the latest news and information here:
https://635f8b5ae6d61.site123.me/
https://www.facebook.com/groups/5433774736645634/?ref=share_group_link
Ini nga balita gindul-ong sa inyo sang THE POWER TRIO!
#ClinicaDTX500- The superior antioxidant!
#ClinicaD3BIO - The antiviral specialist!
#PURECEE -The immunity booster!
𝙉𝙖𝙜𝙖𝙗𝙖𝙣𝙙𝙚𝙧𝙖 𝙨𝙖𝙣𝙜 𝙢𝙖𝙩𝙪𝙤𝙙 𝙣𝙜𝙖 𝙨𝙚𝙧𝙗𝙞𝙨𝙮𝙤 𝙥𝙪𝙗𝙡𝙞𝙠𝙤 𝙠𝙖𝙜 𝙠𝙖𝙡𝙞𝙣𝙜𝙖𝙬𝙖𝙣, 𝙨𝙖 𝙋𝙧𝙤𝙗𝙞𝙣𝙨𝙮𝙖 𝙨𝙖𝙣𝙜 𝘾𝙖𝙥𝙞𝙯, 𝙍𝘼𝘿𝙔𝙊 𝘽𝘼𝙉𝘿𝙀𝙍𝘼!
