By: Ej Arboleda| December 12, 2022
Temporaryo nga gin-ban ang pagsulod sang mga poultry product nagikan sa probinsya sang Capiz bangud sa nabalhag nga Influenza type A virus subtype H5N1 ukon bird flu virus sa Barangay Cagay, Roxas City, Capiz.
Ginpapadaog ni Guimaras acting governor John Edward Gando, ang Executive Order (EO) No. 109-2022 sa temporaryo nga pag-ban sang nasabitan nga produkto.
Suno kay Gando, nga hugot ini ipatuman sa probinsya sang Guimaras kaupod ang Philippine Coast Guard, Provincial Law Enforcement and Public Safety Task Force, Provincial Office for Agriculture Services, Provincial Veterinary Office, kag mga municipal mayor.
