By: Ej Arboleda | December 13, 2022
Ginmarkahan sang “red zone” ang Iloilo City bangud sa transmisyon sang kaso sang African Swine Fever (ASF).
Ginkompirmar ni Dr. Suzette Leal, Veterinarian IV sang Iloilo City Veterinary Office nga may yara sang dugang nga barangay sa nasambit nga syudad nga amo ang Barangay Bito-on sa distrito sang Jaro ang nakabalhag sang kompirmado nga kaso.
Dugang pa ni Leal nga duha sa 5 ka mga sample nga ginpadala sa Department of Agriculture (DA), ang nagpositibo sa hog disease.
Nagapadayon naman ang istrikto nga border control sa sini nga mga lugar kun sa diin ginadumilian ang pagpaguha kag pagpasulod sang mga baboy kag iban pa nga mga pork products sa Western Visayas.
