By: Ej Arboleda | December 14, 2022
Pilason ang isa ka soltero matapos ginbuno sang stepbrother kaupod ang isa ka miyembro sang pamilya sang iya nobya sa Barangay 8, Victorias City, Negros Occidental.
Nag-angkon sang pilas sa tiyan kag likod ang 17 anyos nga lalaki kag wala na ginhingadlan sang kapulisan.
Nakilala naman ang isa sa duha ka mga suspetsado nga si Jomer Sison.
Sandig sa inisyal nga imbestigasyon sang otoridad nga samtang nagalakat sa dalanon ang magkarelasyon hinali na lang nagpalapit ang duha ka suspetsado nga may dala nga kutsilyo kag ginbuno ang biktima.
Dugang pa sang otoridad nga posible nga selos ang motibo sang suspetsado.
Nagapadayon sa karon ang pag-ayam sang kapulisan sa mga suspetsado nga nagapabilin nga at-large.
